Nasehat Taqwa
إِنَّ الْحَمْدَ
لله نَحْمَدُهُ
وَنَسْتَعِيْنُهُ وَنَسْتَغْفِرُهُ،
وَنَعُوْذُ ب
الله مِنْ
شُرُوْرِ أَنْفُسِنَا
وَمِنْ سَيِّئَاتِ
أَعْمَالِنَا، مَنْ
يَهْدِهِ الله
فَلَا مُضِلَّ
لَهُ وَمَنْ
يُضْلِلْ فَلَا
هَادِيَ لَهُ ، أَشْهَدُ
أَنْ لَا
إله إلا
الله وَحْدَهُ
لَا شَرِيْكَ
لَهُ، وَأَشْهَدُ
أَنَّ مُحَمَّدًا
عَبْدُهُ وَرَسُوْلُهُ، والصَّلاةُ
والسَّلامُ عَلى
حَبِيبِنا و
شَفِيْعِنا مُحمَّدٍ
سَيِّدِ المُرْسلين
و إمامِ
المهتَدين و
قائِدِ المجاهدين
وعلى آله
وصحبه أجمعين، أمابعد: فياأيها
المسلمون أوصيكم
وإياي بتقوى
الله، فقال
الله تعالى
في كتابه
الكريم أعوذ
بالله من
الشيطان الرجيم يَاأَيُّهَا
الَّذِينَ آمَنُوا
اتَّقُوا اللَّهَ
حَقَّ تُقَاتِهِ
وَلا تَمُوتُنَّ
إِلا وَأَنْتُمْ
مُسْلمونَ.
Hadirin anu dimulyakeun ku Alloh!
Upami dititenan, geuningan sadaya
ibadah nu dipidamel nu minangka parentah Alloh teh horeng nu dituju nyaeta
kahontalna darajat taqwa, sabab ku kacangkingna kataqwaan Alloh moal koret kanggo
ngalungsurkeun Ridho-Na. da wungkul ku taqwa, jalma tiasa nyegah lampah salah,
wungkul ku taqwa jalma tiasa meuseuh diri ngisat awak. bajoang meper hawa
nafsu, tapi teu kengeng dugika musnah eta nafsu, sabab nafsu oge wajib ayana
dina diri, manusa tanpa nafsu eta lir ibarat manusa ngajolor ngabanusan. jadi
hawa nafsu tetep kedah aya ngan tugas urang ngagilekkeun eta hawa nafsu teh
sangkan nurut ka urang, sanes urang nu nurut kana hawa nafsu. tah mun seug
jalma geus tiasa meruhkeun hawa nafsuna maka katakwaan bakal kacangking pasti.
Upami diringkes ku basa nu
basajan perkawis makna hakekat taqwa teh kieu rupina, yen taqwa teh tanda
mahabbah-na, tanda micinta-na hiji hamba ka Gustina, tegesna nyasar rasa nu
ngalangkang dina ingetan, di tiiran diunikeun jadi kembang papandanan, baham
muka, lisan kedal "Laa Ilaaha" (Taya deui Pangeran nu wajib diibadahan)....balik
kana ati bari dipatri malar kuat parat kana rasa ku kalimah
"Illallooh" (Taya kajaba anging Alloh). Pamustungan nu diraeh, nyaeta
huruf luntur lafadz musnah, sanes huruf nu di tuju, lafadz nu diteang, komo
lisan nu nyorakeun eta kalimah, tapi ati surti bari dipatri ku tekad diri seja
nyungsi Gusti nu sahiji, Pangeran nu ngawujud mutlaq tanpa karana Allah 'Azza
Wajalla
Hadirin anu dimulyakeun ku Alloh!
Kalakuan nu jadi ciri mandiri
jalma taqwa diantarana, mun ti peuting sok sering nyaring kanggo eling ka Nu
Murbehing, mun ti beurang kasab ikhtiyar bari tetep Taat ka Pangeran, Ati na
tanghi teu weleh dzikir, istighfar jadi kalanggenan lisan, maca Qur'an geus
kabiasaan, ati tigin salamina tibelat ka akherat nu numuwuhkeun lengkah nu teu
kendat kana ibadah taat, tur sabar ninggalkeun ma'shiyat. wedi asih ka sugri
ning nu kumelip, kanyaahna teu ngawilah-wilah komo bari dipilihan, tutulung ka
nu butuh, nalangan ka nu keur nandangan ka susah, ka faqir ngajaring, ka ulama
ngahormat, ka nu bodo ngajak sangkan milu di ajar. ngajauhan laku adigung adiguna,
ujub riya reujeung takabur.
Sedengkeun cara ngahontal darajat
taqwa seueur pisan ragem jeung cara, Allah nyalira dadawuh dina kitab-Na
Al-Qur'an nu Mulia, saban-saban Manten-Na nyauran ka jalma nu iman sok
dituturkeun ku piwarangna, ieu teh nandakeun yen saban-saban jalma nu ngaku
iman kedah tiasa ngabuktikeunana, tegesna, iman sanes ukur aku-akuan wungkul
kulisanna, tapi kedah dibuktikeun jeung tingkahna,
Hadirin anu dimulyakeun ku Alloh!
Asal kecap taqwa sapalih Ulama
nyebatkeun dicandak tina kecap “Waqaa-Yaqii” nu ngandung harti ngajaga diri
tina perkara nu ngabahayakeun. Aya oge sapalih Ulama nu nyebatkeun dicandak
tina kecap ‘Waqwaa’, tuluy huruf ‘wawu’ tina awal kecap ‘waqwaa’ teh diganti ku
huruf ‘ta’’, jadi weh unina ‘Taqwaa’ nu mibandan harti ati-ati, atawa waspada.
Sayyidina Umar bin Khaoththob ra.
Kantos ditaros ku shohabat Ubay ra. Ngeunaan makna taqwa. Anjeunna malik naros
ka Ubay ra.:
“Naha
anjeun kungsi leumpang di jajalaneun nu pinuh ku cucuk?”
“Sumuhun
..kantos nun “ Waler Ubay.
“Kumaha
tingkah anjeun ?”Sayyidina Umar Naros deui.
“Nya
tangtosna bae jisim abdi ati-ati “waler Ubay.
“Tah
..Taqwa oge kitu”Tandes Sayyidina Umar.
Hadirin anu dimulyakeun ku Alloh!
Jadi, nu kedah digaris badag-an
ngeunaan makna taqwa teh nyaeta, ayana kawaspadaan, ayana tingkah ati-ati dina
kahirupan, henteu tunggul diparud catang dirumpak, estu asak tinimbangan,
dipikir dibulak-balik dimana migawe hiji perkara. Kedah ngareret bari
nyaluyukeun kana katangtuan hukum agama oge darigama dimana urang seja milampah
hiji perkara. Ngarah henteu melengkung bekas nyalahan estu sapagodos rejeung
kahoyong nu maparin kahirupan nyatana Allah.
Umumna mah ngamaknaan taqwa teh,
nyaeta migawe sagala parentah Allah sareng nebihan sagala hal nu dilarang ku
Manten-Na, (Imtitsaalu Awaamirillaahi Wajtinaabun-Nawaahih). ieu oge maksudna
mah kana ka-ati-atian hirup, kana kawaspadaan keneh dina ngisi kahirupan di ieu
alam dunya, dipalar ulah nepi ka nogencang, papalingpang reujeung ugeran oge
aturan nu tos jadi katangtuan Allah, utamana ngeunaan parentah reujeung
larangan. Sabab mun dititenan eusina agama mah ukur dua, nyaeta parentah Allah
jeung panyaram Manten-Na. tuluy ditamabahan ku nguningakeun jalan kaluar dina
enggoning ngahontal nyanghareupan pasu’alan kahirupan, nepi ka kacutat sagala
hal nu payus jeung kedah dipilampah oge hal nu teu payus jeung teu kedah dipilampah
ku manusa, pamustungan nu jadi udagan nyeta ngahontal Ridho Allah swt
Jadi makna taqwa teh nyaeta
kawaspadaan, kaati-atian dina ngajalankeun amanat kahirupan di ieu alam dunya,
dipalar diestokeun bari dilakonanana sagala parentah Allah tur dijauhanana
sagala nu dilarang ku Manten-Na. sabab jalma nu hirupna ati-ati, pasti bakal
ngaestokeun sagala parentah Allah, tegesna tumuwuhna kataatan nu kuat, poe-poe
kahirupanana wungkul dieusian ku Ibadah ka Allah, mapaes diri ku akhlak nu
pinuji, bari ati tanghi manteng salilana eling ka Allah Nu Maha Ngusik jeung
Ngageuing.
Hadirin anu dimulyakeun ku Alloh!
Kacutat dina Al-Qur'an ngeunaan
parentah Taqwa, nu samemehna dimimitian ku kalimat panyaur ti Manten-Na kanggo
jalma-jalma nu ariman. Lebah dieu, ngandung harti yen geus jadi tuntutan, kanggo
satiap jalma nu ngaku iman nu ngaku islam kedah tiasa ngabuahkeun tina
kaimananana teh taqwa ka Alloh s.w.t. aya oge sabagean ayat nu nyaur sanes
wungkul ka jalma nu Iman tapi ka sakabeh manusa sakumaha nu kaunggel dina
Qur'an Surat Al-Baqarah ayat 21 nu ngaitkeun takwa teh mangrupakeun hiji hasil
nu dipiharep tina Ibadah:
يَا أَيُّهَاالنَّاسُ اعْبُدُواْ رَبَّكُمُ
الَّذِي خَلَقَكُمْ وَالَّذِينَ مِن قَبْلِكُمْ لَعَلَّكُمْ تَتَّقُونَ (البقرة :
21
"Yeuh Manusa !
Prak maraneh geura aribadah ka Pangeran anu geus ngayugakeun maraneh katut
jalma-jalmaanu samemeh maraneh, sangkan maraneh jadi jalma-jalma anu
taraqwa"
Kataqwaan oge mangrupakeun alat
ukur Alloh swt dina nganiléy hiji jalma ngeunaan mulya henteuna hiji hamba di
payuneun Manten-Na. Kataqwaan mangrupakeun hiji wasiyat Alloh swt oge wasiyat
para Nabi sareng Rasul ka Umatna.Kataqwaan hiji bekel nu panghadé-panghadéna kanggo
hiji jalma dina raraga tatahar nyanghareupan kahirupan abadi jaga diakhérat.
Ogé kataqwaan mangrupakeun hiji konci kanggo muka lawang karidhoan Manten-Na.
Tur kataqwaan téh nu kacida diwanti-wantina ku Kanjeng Nabi Muhammad saw. ka
umatna.
Dina ngaguar makna takwa, mangga
urang titenan Hadits Rasululloh s.a.w.:
عَنْ أَبِيْ ذَرٍّ جُنْدُبِ بْنِجُنَادَةَ وَأَبِيْ
عَبْدِالرَّحْمَنِ مُعَاذِ بْنِ جَبَلٍ رَضِيَ اللهُ عَنْهُمَا عَنْ رَسُوْلِ اللهِ
صَلَّىالله ُعَلَيْهِ وَسَلَّمَ قَالَ " اِتَّقِ اللهَ حَيْثُمَا كُنْتَ ,وَأَتْبِعِ
السَّيِّئَةَالْحَسَنَةَتَمْحُهَا وَخَالِقِ النَّاسَ بِخُلُقٍ حَسَنٍ (رَوَاه التِّرْمِذِيْ
, وَقَالَ :حَدِيْثٌ حَسَنٌ وَفِيْ بَعْضِ النُّسَخِ: حَسَنٌ
صَحِيْحٌ)
Ti Abu Dzar, Jundub binJunadah
sareng Abu 'Abdurrahman, Mu'adz bin Jabal radhiyallahu 'anhuma, tiiRasulullah
Shallallahu 'alaihi wa Sallam, Anjeunna ngadawuh : "Masingtaraqwa anjeun
ka Alloh di mana bae anjeun ayana, jeung prak tuturkwun lampah
dosa ku lampah kahadean, tanwande bakal mupus/ngalebur eta lampah
dosa.Jeung prak anjeun campur gaul jeung sasama manusa kalayan akhlaq nu
Hade".(HR. Tirmidzi, anjeunna nyarios : Hadits ieu hasan, dina lafazh
sejendarajatna hasan shahih) [Tirmidzi no. 1987].
Imam
Abdurrahman As-Sa'di ra. nyarios, yén Hadits ieu téh kacida agungna.
Sabab,dina Hadits ieu, Rosululloh saw. Ngumpulkeun antara hak Alloh swt. jeung
hak para hamba Alloh swt. Anapon hak
Alloh swt nu jadi kawajiban para hamba kanggongalaksanakeunana, nyaéta kedah
nancebkeun rasa taqwa ka Alloh swt. dina dirina
si éta hamba, kalayan taqwa anu sabener-benerna. Maranéhna kedah sieun
kana bebendon sareng siksaan Alloh swt.
ku cara maranéhna ngajauhan sagala bentuk pagawéan nu dilarang ku Alloh swt.
Taqwa ogé mangrupakeun wasiyat Alloh swt. kakaum-kaum baheula tug dugi ka
umatna Kanjeng Nabi Muhammad saw. Salian éta ogé,taqwa téh mangrupakeun
wasiyatna para Nabi sareng Rosul ka umatna. Sabab,satiap Rosul pasti bakal
nyarita ka umatna: "Ibadah anjeun kabéh kaAlloh, jeung masing taqwa anjeun
kabéh ka Manten-Na.
بَارَكَ اللهُ لِيْ وَلَكُمْ فِي الْقُرْآنِ
الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ،
وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ.
أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ
الْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ. فَاسْتَغْفِرُوْهُ،
إِنَّهُ هُوَ الْغَفُوْرُ الرَّحِيْمُ.
الْحَمْدَ لِلَّهِ نَحْمَدُهُ وَنَسْتَعِيْنُهُ
وَنَسْتَغْفِرُهْ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا،
مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ. أَشْهَدُ
أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا
عَبْدُهُ وَرَسُوْلُهُ صَلَّى اللهُ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ
وَسَلَّمَ تَسْلِيْمًا كَثِيْرًا. قَالَ تَعَالَى: يَا أَيُّهاَ الَّذِيْنَ ءَامَنُوا
اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ
إِنَّ اللهَ وَمَلاَئِكَتَهُ يُصَلُّوْنَ عَلَى
النَّبِيِّ، يَا أَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا}.اَللَّهُمَّ
صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيْمَ
وَعَلَى آلِ إِبْرَاهِيْمَ، إِنَّكَ حَمِيْدٌ مَجِيْدٌ. وَبَارِكْ عَلَى مُحَمَّدٍ
وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيْمَ وَعَلَى آلِ إِبْرَاهِيْمَ،
إِنَّكَ حَمِيْدٌ مَجِيْدٌ.
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ،
وَالْمُؤْمِنِيْنَ وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ، إِنَّكَ
سَمِيْعٌ قَرِيْبٌ مُجِيْبُ الدَّعَوَاتِ. اَللَّهُمَّ أَرِنَا الْحَقَّ حَقًّا وَارْزُقْنَا
اتِّبَاعَهُ، وَأَرِنَا الْبَاطِلَ باَطِلاً وَارْزُقْنَا اجْتِنَابَهُ. اَللَّهُمَّ
أَصْلِحْ لَنَا دِيْنَنَا الَّذِيْ هُوَ عِصْمَةُ أَمْرِنَا، وَأَصْلِحْ لَنَا دُنْيَانَا
الَّتِيْ فِيْهَا مَعَاشُنَا، وَأَصْلِحْ لَنَا آخِرَتَنَا الَّتِيْ إِلَيْهَا مَعَادُنَا،
وَاجْعَلِ الْحَيَاةَ زِيَادَةً لَنَا فِيْ كُلِّ خَيْرٍ، وَاجْعَلِ الْمَوْتَ رَاحَةً
لَنَا مِنْ كُلِّ شَرٍّ. رَبَّنَا آتِنَا فِي الدُّنْيَا حَسَنَةً وَفِي الآخِرَةِ
حَسَنَةً وَقِنَا عَذَابَ النَّارِ.
عِبَادَاللهِ! اِنَّ اللهَ يَأْمُرُ بِاْلعَدْلِ
وَاْلاِحْسَانِ، وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِِ
وَاْلبَغْي، يَعِظُكُمْ لَعَلَّكُمْ تَذَكَّرُوْنَ، فَاذْكُرُوا اللهَ اْلعَظِيْمَ
يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ، وَلَذِكْرُ اللهِ اَكْبَرْ،
وَاللهُ يَعْلَمُ مَا تَصْنَعُوْنَ.
