Makna Hijrah

Makna Hijrah

الحَمدُ ِللهِ الَّذِيْ سَهَّلَ لِلعِبَادِ طَرِيْقَ العِبَادَةِ وَيَسَّرَ، وَوَفَّاهُمْ أُجُوْرَأَعمَالِهِم مِن خَزَائِنِ جُودِهِ الَّتِي لاَ تُحصَرُ،  أَشهَدُ أَنْ لآإِلهَ إِلاَّ اللهُ المَلِكُ الأَكبَرُ، وَأَشهَدُ أَنَّ سَيِّدَنَا مُحَمَّدًا عَبدُهُ وَرَسُولُهُ الشَّافِعُ فِى المَخشَرِ، نَبِيٌّ غَفَرَ اللهُ لَهُ مَا تَقَدَّمَ مِنْ ذَنبِه وَمَا تَأَخَّرَ، أَللّهُمَّ صَلِّ وَسَلِّمْ وَبَارِكْ عَلَى نُورِالأَنوَارِوَسِرِّالأَسرَارِ وَتِريَاقِ الأَغيَارِ وَمِفتَاحِ بَابِ اليَسَارِسَيِّدِنَا مُحَمَّدِنِ المُختَارِ  وَألِهِ الأَخيَارِ وَأصحَابِهِ الأطهَارِ عَدَدَ نِعَمِ اللهِ وَإِفضَالِهِ .أَمَّابَعدُ فَيَاعِبَادَ اللهِ أُوصِيكُم وَإِيَّايَ بِتَقوَى اللهِ حَقَّ تُقَاتِه وَافعَلُوا الخَيرَ وَاترُكُوا الشَّرَّ

Hadirin Sidang Jum’at Rahimakumullah.

Ngalangkungan khutbah ieu, sumangga urang sanggakeun puja sinareng puji kanu kagungan nana nyaeta Allah SWT, anu masih keneh maparin jatah yuswa kaurang sadaya dugika dinten jumaah ping 11Muharrom 1440 H. Mugia urang tiasa ngamanfaatkeun nana ku midamel rupi-rupi amal sholeh anu janten sabab bakal ngaronjatna iman sareng taqwa urang ka Alloh SWT

Urang sadaya nyaksian kana yen saestuna teu aya deui pangeran anu hak disembah anging Allah SWT, bari sahiji Dzatna teu aya anu ngarencangan kamanten-Na anu ngurus sadaya Alam katut eusi-eusina, sareng kana yen saestunya kanjeng Nabi Muhammad SAW. eta hamba sareng Rasul-Na anu dikiatan ku pirang-pirang ayat sareng pirang-pirang mu’jizat.

Saparantosna ngaoskeun basmalah, hamdalah shalawat miwah salam ka kanjeng Rolulullah SAW. kawajiban anu janten khatib ngawasiatan khususna kanggo diri khatib umumna kanggo hadirin sadayana, kalawan wasiat taqwa, mangga urang sami-sami ningkatkeun kana kataqwaan, sabab taqwa hiji-hijina jalan kanggo kahontal kabahagiaan dunia sareng akherat.

Hadirin Jamaah Jum’ah nu dimulyakeun Allah.

Taqwa numutkeun Ar-Rafi’i dina kitab Al-Mishbahul al-Munir Fi Gharibisy Syarhil Kabir, nyaeta dimana hiji hamba ngajaga diri tina benduna Allah SWT tur siksana, ku cara ngalaksanakeun sagala parentah Allah SWT sareng nebihan sagala rupi perkara anu dilarang ku Allah SWT, anu didadasaran ku Iman.

Cindekna Takwa teh nyaeta sieun ku Alloh SWT ku cara ngalaksanakeun parentahan nana nebihan sagala rupi larangan nana tur dimana-mana milampah dosa sok ngabersihkeun diri ku istighfar sareng tobat, maka dimana-mana hiji jalmi tos tiasa ngalaksankeun tilu hal tadi, maka layak disebat muttaqin.

Hadirin Jamaah Jum’ah nu dimulyakeun Allah.

Tahun 1439 parantos ngantunkeun urang, ayeuna aya dina taun munggaran nyaeta 1440 H, Maka ku sumpingna ieu taun urang sasarengan nganiatan sangkan ieu taun langkung barokah, sesuai sareng maknana hijrah nyaeta ngantunkeun anu awon digentos ku anu sae. Maka sumangga urang kantunkeun kakufuran gentos kukaiman, kantunkeun kasyirikan gentos ku katauhidan, kantunkeun kufur nikmat gentos ku syukur nikmat, kantunkeun rezeki anu haram gentos ku rizqi anu halalan toyiban, kantunkeun sipat dendam anu janten ruksakna iman gentos ku damai sareng ngahampura, kantunkeun sifat jeung sikep anu matak Allah bendu  gentos ku perbuatan anu matak Allah SWT Ridho, meungpeung masih keneh aya waktos, meunpeung masih keneh dipaparin kasempetan.

Hadirin Jamaah Jum’ah nu dimulyakeun Allah.

Dina raraga ngeusi taun Munggaran ieu, minimalna aya lima hal nu sakedahna kuurang dilaksanakeun:

1.      Urang ngajentenkeun ieu taun sebagi hijrah ‘Aqidiyah, nyaeta hiji tekad ngan ukur nyembah Allah SWT, tur teu ngajantenkeun padamelan atawa usaha urang boh dina nyiar rejekina atanapi naon bae janten panghalang dina ibadah ka Allah SWT, minimalna sing emut dina manah sayaktosna Alloh dzat Anu nyiptakeun urang, dzat Anu ngurus urang, dzat anu nyarengan urang, dzat anu mencrong ka urang, dzat anu ngarizqian urang, dzat anu ngurus ka urang, dzat anu moal ngantep ka urang, tur dzat anu nulungan urang, oge poma teu kengeng ngajantenkeun harta, jabatan tur kapangkatan janten hahalang dina enggoning ibadah ka Allah SWT.

2.      Urang ngajentenkeun ieu taun sebagi hijrah Ta’abbudiyah Nyaeta ninggalkeun hiji tekad/anggapan yen ibadah teh beban, Ibadah teh cape, sareng sajabina. Sabab ibadah teh eta hiji kawajiban urang selaku muslim, tur tujuan Alloh SWT nyiptakeun urang di alam dunya ieu teu aya kajaba iwal ti pikeun ibadah ka manten-Na.

3.      Urang ngajentenkeun ieu taun sebagi hijrah Akhlaqiyah Nyaeta perubahan ahlak talajak sareng prilaku, dhohir sareng bathinna, tina ahlak talajak sareng perilaku anu awon digentos ahlak talajak sareng perilaku anu sae.

4.      Urang ngajentenkeun ieu taun sebagi hijrah Usrawiyah, nyaeta hiji tekad ngarubah keluarga, sangkan jantten kulawarga anu taat, kulawarga anu soleh, kulawarga anu mibanda ahlak anu mulya, anu asih ka sasama, sabab upami gagal ngawangun kulawarga, upami gagal ngabina kulawarga, upami gagal dina masihan conto ka kulawarga, maka bakal gagal dina kahirupan bermasyaraktna tur bakal gagal dina kahirupan di lingkungan nana.

5.      Urang ngajentenkeun ieu taun sebagi hijrah Ijtima’iyah. Hiji tekad ti umat pikeun sasareungan ngalakukeun perubahan-perubahan nu hade dimasyarakat, nyaeta perubahan nu  manfaat pikeun kahirupan jamaahna sareng masyarakatna.

Simpulna, urang jantenkeun hijrah atawa hijriah dina taun ieu, sebagai ‘minal ma’ashi ilal tho’ah”, yakni ninggalkeun sagala kamaksiatan menuju kana taat, oge “minas syayyiati ilal hasanat”, yakni perjalanan ninggalkeun perbuatan awon, menuju perbuatan-perbuatan nu sae, anu dipkaridho ku Allah swt.

جَعَلَنَا اللهُ وَإِيَّاكُمْ مِنَ الْفَائِزِيْنَ الْآمِنِيْنَ وَاَدْخَلَنَا وَإِيَّاكُمْ فِيْ زُمْرَةِ الْمُتَّقِيْنَ الْمُؤْمِنِيْنَ الْمُخْلِصِيْنَ الْمُوْقِنِيْنَ. أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ، وَالْعَصْرِ إِنَّ الْإِنْسَانَ لَفِيْ خُسْرٍ إِلَّا الَّذِيْنَ آمَنُوْا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ. وَقُلْ رَّبِّ اغْفِرْ وَارْحَمْ وَأَنْتَ خَيْرُ الرَّاحِمِيْنَ.

اَلْحَمْدُ للهِ الَّذِى تَفَرَّدَ بِالْعِزِّ وَالْجَلاَلِ وَالصَّلاَةُ وَالسَّلاَمُ عَلَى مُنْقِدِ مِنَ الضَّلاَلِ وَعَلَى آلِهِ وَاَصْحَابِهِ خَيْرِ آلٍ. (اَمَّابَعْدُ) فَيَا اَيُّهَا الْحَاضِرُوْنَ. اُوْصِيْكُمْ وَنَفْسِي بِتَقْوَى اللهِ فَقَدْ فَازَ الْمُتَّقُوْنَ. اَعُوْذُ بِاللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمنِ الرَّحِيْمِ : اِنَّ اللهَ وَمَلاَئِكَتَهُ يُصَلُّوْنَ عَلَى النَّبِىّ يَااَيُّهَا الَّذِيْنَ آَمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ وَسَلِّمْ وَبَارِكْ عَلَيْهِ اَمِيْن يَااَللهُ يَامُجِيْبَ السَّائِلِيْنَ: اَللهُمَّ اغْفِرْ لِلْمُؤْمِنِيْنَ وَالْمُوْمِنَاتِ وَالْمُسْلِمِيْنَ وَالْمُسْلِمَاتِ اَلأَحْيَاءِ مِنْهُمْ وَاْلأَمْوَاتِ   رَبَّنَا لاَ تُؤَاخِذْنَا إِنْ نَسِيْنَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا اِصْرًا كَمَا حَمَلْتَهُ عَلَى الَّذِيْنَ مِنْ قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلاَنَا فَانْصُرْنَا عَلَى الْقَوْمِ الْكَافِرِيْنَ رَبَّنَا آتِنَا فِى الدُّنْيَا حَسَنَةً وَفِى اْلآَخِرَةِ حَسَنَةً وَقِنَا عَذَابَ النَّار. وَالْحَمْدُ لِلّهِ رَبِّ الْعَالَمِيْنَ

عِبَادَ اللهِ اِنَّ اللهَ يَأْمُرُ بِالْعَدْلِ وَاْلإِحْسَانِ وَاِيْتَاءِ ذِى الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْىِ يَعِظُكُمْ لَعَلَّكُمْ تَذَكَّرُوْنَ.فَاذْكُرُوْا اللهَ يَذْكُرْكُمْ وَاسْأَلُوْهُ مِنْ فَضْلِهِ يُعْطِكُمْ وَلَذِكْرُ اللهِ اَكْبَرُ. اَسْتَغْفِرُ اللهَ لِى وَلَكُمْ وَلِسَائِرِ الْمُسْلِمِيْنَ